Fyrsti sunnudagur mars-mánaðar heilsaði með frosti. Frostið var 1-2 gráður í morgun á Stórhöfða. Í nýrri spá Veðurstofunnar fyrir Suðurland er norðan 5-13 m/s í dag og léttskýjað. Gengur í norðvestan 10-18 á morgun, skýjað með köflum og þurrt að kalla. Lægir annað kvöld. Frost 0 til 10 stig.

Halldór B. Halldórsson gerði sér ferð um bæinn og tók upp myndband sem sjá má hér fyrir neðan veðurspánna hér að neðan.

Veðurhorfur á landinu næstu daga

Á þriðjudag:
Suðaustan 13-20 m/s með snjókomu í fyrstu og síðan rigningu eða slyddu, en hægari og úrkomulítið um landið norðaustanvert. Hlýnandi veður, hiti 0 til 7 stig síðdegis, mildast syðst. Dregur úr vindi seinnipartinn, sunnan 8-15 um kvöldið og kólnar vestanlands með éljum.

Á miðvikudag:
Suðvestan 5-13 og él sunnan- og vestanlands, en léttskýjað annars staðar. Frost víða 0 til 5 stig.

Á fimmtudag:
Suðlæg átt 3-10 og él, en bjartviðri á Norður- og Austurlandi. Suðaustan 8-15 og snjókoma á suðurhelmingi landsins um kvöldið. Frost 0 til 8 stig, kaldast fyrir norðan.

Á föstudag:
Sunnan 5-13, en 13-18 á vestanverðu landinu. Snjókoma eða él, en þurrt og bjart á Norður- og Austurlandi. Hiti breytist lítið.

Á laugardag:
Hvöss suðaustanátt með snjókomu eða slyddu, en rigning um tíma á láglendi. Hlýnar í veðri.
Spá gerð: 01.03.2026 08:11. Gildir til: 08.03.2026 12:00.