ÍBV og Valur mættust í úrslitaleik Powerade bikars 3. flokks kvenna í handbolta í dag. ÍBV stelpurnar gerðu sér lítið fyrir og tryggðu sér bikarmeistaratitilinn með fimm marka sigri, 36-31.

Valsstelpur byrjuðu leikinn betur og voru með forystuna framan af í leiknum. Eyjastelpur jöfnuðu leikinn rétt fyrir hálfleiksflautið og var staðan 17-17 í hálfleik.

Eyjastelpur spiluðu góðan varnarleik í síðari hálfleik og juku forskot sitt á Valsstelpum hægt og rólega. Að lokum vann ÍBV nokkuð öruggan fimm marka sigur. Lokatölur leiksins 36-31.

Birna María Unnarsdóttir, leikmaður ÍBV,  skoraði níu mörk fyrir Eyjastelpur og var í lok leiks valin mikilvægasti leikmaður úrslitaleiksins.

Eyjafréttir óskar ÍBV stelpunum innilega til hamingju með titilinn!