ÍBV og Valur mættust í úrslitaleik Powerade bikars 3. flokks karla í handbolta í dag. ÍBV strákarnir gerðu líkt og stelpurnar fyrr um daginn og tryggðu sér bikarmeistartitilinn með þriggja marka sigri, 37-34.

Valsmenn byrjuðu leikinn betur og voru yfir á fyrstu fimmtán mínútum leiksins. Eyjamenn hins vegar stigu upp og snéru leiknum sér í vil. Hálfleikstölur 17-14, ÍBV í hag.

Eyjamenn héldu uppteknum hætti í síðari hálfleik og lönduðu að lokum nokkuð öruggum þriggja marka sigri. Lokatölur leiksins 37-34.

Elís Þór Aðalsteinsson, leikmaður ÍBV, átti stórleik í liði Eyjamanna og skoraði 15 mörk. Hann var í lok leiks valinn leikmaður úrslitaleiksins.

Eyjafréttir óskar ÍBV strákunum innilega til hamingju með titilinn!