Heimir Hallgrímsson og lærisveinar hans í írska landsliðinu í fótbolta féllu úr leik í umspilinu um sæti á heimsmeistaraḿótinu í sumar, þegar þeir töpuðu gegn Tékklandi eftir vítaspyrnukeppni, á Fortuna Arena í Prag í kvöld. 

Írland komst yfir eftir 19. mínútur þegar Troy Parrott skoraði af öryggi af vítapunktinum. Írar tvöfölduðu forystu sína fjórum mínútum síðar þegar boltinn hrökk af baki Matej Kovár, markverði Tékka, í eigið mark. Patrik Schick minnkaði muninn fyrir Tékkland á 27. mínútu með marki af vítapunktinum. Allt virtist stefna í sigur Írlands en þegar fjórar mínútur voru eftir af venjulegum leiktíma jafnaði Ladislav Krejcí leikinn fyrir Tékka. Lokatölur eftir venjulegan leiktíma 2-2. 

Engin mörk voru skoruð í framlengunni og því kom að vítaspyrnukeppni. Írar skoruðu úr þremur spyrnum af fimm og Tékkar fjórum. Tékkland leikur því hreinan úrslitaleik um sæti á HM í sumar, gegn Dönum sem lögðu Norður-Makedóníu að velli 4-0.