32-liða úrslit Mjólkurbikars karla eru leikin nú um páskana – allir leikirnir nema einn. ÍBV hefur leik í Mjólkurbikarnum í dag þegar liðið tekur á móti Þrótti Reykjavík á Hásteinsvelli. Leikurinn hefst klukkan 12:00 og markar upphaf fyrsta alvöru keppnisleiks Eyjamanna á tímabilinu. Upphitun hefst klukkustund fyrir leik.

Undirbúningur liðsins hefur staðið yfir undanfarna mánuði og spennan er farin að magnast fyrir fyrsta leik. ÍBV hefur lagt áherslu á að koma vel undirbúið til leiks og verður áhugavert að sjá hvernig liðið mætir til leiks gegn sterku liði Þróttar.

Hér að neðan má sjá myndband frá lokaæfingu liðsins í gær fyrir leikinn, en það var tekið upp af Halldóri B. Halldórssyni.