Nú er aldeilis ástand í samgöngumálum okkar Eyjamanna.

Reynt hefur verið að ná eyrum ráðamanna án nokkurs árangurs.

Hvar eru þingmenn meirihlutans á Suðurlandi?

Halló er einhver heima? Ásthildur Lóa í Flokki fólksins?  Víðir Reynis í Samfylkingunni?

og Sandra Sigurðardóttir í Viðreisn?

Í gær var Herjólfur að sigla í 3,5 m ölduhæð á einni skrúfu og gekk á milli 6 og 7 mílum og kom til Eyja rúmlega tvö í nótt. Meira að segja Áflsnesið fer aðeins hraðar. Það er alls ekki  við áhöfn Herjólfs að sakast sem sýnir alltaf elju og dugnað í sínum störfum.

Nú er hækkandi alda og hvað þá? Því spyr maður, hvar er gamli Herjólfur og af hverju er hann ekki kominn á ferðina á móti hinum? Það er greinilegt að landsbyggðin er aukaatriði hjá þessari ríkisstjórn, spyrjið bara Seyðfirðinga og Grindvíkinga. Það gengur greinlega fyrir að gæða sér á pizzum og klára ESB, annað getur átt sig!

Ég skora á fulltrúa Eyjalistans að beita sínum áhrifum gagnvart sínu fólki í ríkisstjórn. Eyjamenn vilja svör og lausnir! Það er óboðlegt að halda Eyjamönnum áfram í gíslingu!

Þetta er algjör falleinkunn á þá sem bera ábyrgð. Hvers vegna hefur bæjarráð eða bæjarstjórn ekki boðað til neyðarfundar?

Guðni Hjörleifsson,

Höfundur skipar 5. sæti á lista Miðflokksins í Vestmannaeyjum.