Herjólfur siglir til Þorlákshafnar síðdegis í dag, fimmtudag, þar sem ófært er til Landeyjahafnar vegna veðurs og sjólags. Brottförum hefur verið flýtt um klukkustund frá því sem áður var tilkynnt.

Brottför frá Vestmannaeyjum er klukkan 17:00 og frá Þorlákshöfn klukkan 20:45. Aðrar ferðir dagsins falla niður.

Stefnt er að siglingum samkvæmt hefðbundinni áætlun á morgun, föstudag, og á laugardag. Spáð er hækkandi ölduhæð þegar líður á sunnudag.

Í tilkynningu Herjólfs eru farþegar minntir á að á þessum árstíma sé alltaf hætta á færslu milli hafna. Því sé ekki æskilegt að skilja farartæki eftir í Landeyjahöfn eða Þorlákshöfn.

Farþegar sem hyggjast nýta gistirými ferjunnar þurfa að koma með eigin búnað.

Fréttin hefur verið uppfærð og fyrirsögn breytt.