Ingólfur Jóhannesson hefur unnið hjá Hugvit hf í tæp 20 ár, þar af hefur hann verið staðsettur í Vestmannaeyjum í rúmlega 12 ár en þau hjónin fluttu til Eyja í maí 2008. Ingó eins og hann er kallaður er giftur Fjólu M. Róbertsdóttur og saman eiga þau tvo drengi Jóhannes Esra og Róbert Elí. Ingó segir húsnæðisverð og bættar samgöngur ráðandi í aðdragandanum að því að flytja aftur heim. „Við vorum farin að leita okkur að framtíðarhúsnæði og þar sem allt var svo dýrt á höfuðborgarsvæðinu ákváðum við að víkka sjóndeildarhringinn og vorum farin að kíkja í sveitarfélög í kring