Lista og menningarfélag Vestmannaeyja er gestalistamaður september mánaðar hjá ART67. ART67 er litríkt listagallerí sem sýnir fjölbreytta nútímalist, málverk, leir- og glerlist eftir íslenska listamenn. Sýningin er opin virka daga 11-18, laugardaga 11-17 og sunnudaga 13-16 að Laugarvegi 61.

Lista og menningarfélag Vestmannaeyja var stofnað í mars 2019. Markmið með stofnun þess var að sameina lista- og handverksfólk eyjanna. Fyrsta starf félagsins var að finna húsnæði undir starfsemi þeirra félagsmanna sem óskuðu eftir að fá vinnuaðstöðu. Þegar húsnæðið var fundið í september sama ár fór listastarfsemin í gang. Félagsmenn eru orðnir yfir 60 og í húsnæðinu leigja 32 félagsmenn vinnuaðstöðu. 21 félagsmaður tekur þátt í þessari samsýningu sem ber heitið „Haustvindar úr suðri“ en öll verkin eru til sölu í stærðinni 40 x 40 cm. Sýningin opnar laugardaginn 4. september kl. 14.00.