Nú verða fluttar loðnufréttir

Nýlega var settur í loftið vefurinn lodnufrettir.is, þar má finna ýmsar tölulegar upplýsingar um gang loðnuveiða. Að sögn þeirra sem að verkefninu standa var loðnufréttir sett í loftið til að fylgjast með ævintýralegum aflabrögðum sem eiga sér stað í íslenskri landhelgi þegar loðnan lætur á sér kræla. Eins og flestir hafa heyrt þá stefnir í eina stærstu loðnuvertíð í 20 ár og því var ákveðið að setja upp síðu þar sem hægt er að fylgjast með framvindu vertíðarinnar, bera saman landanir skipa á þægilegan máta og lauslega vita hver verðmætasköpunin er í rauntíma. Þeir sem hafa komið inn á síðuna sem fyrstu notendur hafa allir áhuga á að rýna í hvernig verðmætin verða til en með því að fylgja eftir löndunum, nýtingu aflans og bera saman við heimsmarkaðsverð á mjöli, lýsi, og öðrum afurðum er hægt að slá upp til gamans hvernig gengur.

Að sjálfsögðu eru öll verð í þessu ekki búin að raungerast svo við styðjumst við tölur sem nefndar hafa verið í kynningum fyrirtækja fyrir komandi vertíð. Hér á árum áður var reglulega sagt í lok fréttatíma ríkisútvarpsins; “nú verða fluttar loðnufréttir” og er síðan móðins lausn til að fréttamenn nútímans þurfi ekki að lesa upp aflatölur hvers og eins skips dags daglega heldur verði einfaldlega hægt að fylgjast með á www.lodnufrettir.is  Síðan er samstarfsverkefni miðlunar- og ráðgjafafyrirtækisins Aflamiðlun & nýsköpunarverkefnisins Aflarinn.is sem er afladagbók sem verður útgerðarmönnum til boða innan skamms.

Nú verða fluttar loðnufréttir

Nýjustu fréttir

Fréttir
Herjólfur til Landeyjahafnar seinni partinn
Aðsent
Sigurjón og Auðunn jafnir efstir á Skákþingi Vestmannaeyja 2026
Íþróttir
Emil Gautason í lokahóp u-16
Aðsent
900 krónur urðu að 45 milljónum!
Fréttir
Vara við snjóhengjum og grýlukertum
Myndband
Staðan í Viðlagafjöru þremur árum eftir fyrstu skóflustungu
Menning
S!ll! sendir frá sér nýtt lag og heldur tónleika í kvöld
Áhugavert
Óska eftir framlengingu á flugi vegna stöðunnar í Landeyjahöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.