Jólaþorskur í þungavigtarflokki
20. nóvember, 2022

Ónefndur viðskiptavinur sölufyrirtækisins Frescolouro í Portúgal fer ekki í jólaköttinn í ár. Frescolouro kaupir saltfisk af framleiðslu- og sölufyrirtæki Vinnslustöðvarinnar í Portúgal, Grupiexe, og selur viðskiptavinum sínum.

Sá ónefndi var svo heppinn að krækja í fisk sem vegur 12 kíló fullþurrkaður til að bera á hátíðarborð stórfjölskyldu sinnar um jólin. Ætla má að golþorskurinn hafi verið að minnsta kosti 40 kíló að þyngd upp úr sjó á sínum tíma og verið lengri með haus en sem nemur hæð brosmildu stúlkunnar á myndinni – sem reyndar er meðeigandi í Frescolouro!

Nú fer í hönd mikill annatími starfsliðs Grupiexe við að sjá veitingahúsum, verslunum og almenningi í Portúgal fyrir saltfiski fyrir hátíð jólanna. Saltfiskur er jólamatur á yfirgnæfandi meirihluta heimila í Portúgal og sá íslenski þykir sá besti og er eftirsóttur í samræmi við það.

Saltfiskur fæst líka hjá Grupiexe í gjafaöskjum handa fólki og fyrirtækjum sem vilja gleðja sína nánustu, vini eða viðskiptavini með þessari dýrindis sjávarafurð frá Vestmannaeyjum.

Af vsv.is – Atli Rúnar Halldórsson.

Facebook
X
LinkedIn
Pinterest
Reddit
Email
Print
Skoða blaðið á netinu
Forsida 5 Tbl EF
5. tbl. 2025

NÝBURAR

76e2af77 02d9 48eb B73a 24c32e2403ac
4. janúar 2025
Drengur
Landspítalinn, Reykjavík.
Katrín Rós Óðinsdóttir og Sæþór Örn Garðarsson.
Mest lesið
Fylgstu með

Skráðu þig á fáðu nýjustu tilkynningar fyrst

Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.