Við erum á fullu í síld, fyrsta aflanum var landað á mánudag og verið að vinna síld í rúma viku. Þetta er fínasta síld, hún er öll flökuð og fryst og unnið á tólf tíma vöktum í húsinu,“ sagði Sindri Viðarsson, sviðsstjóri uppsjávar­sviðs Vinnslustöðvarinnar þegar rætt var við hann. Kap VE og Sighvatur VE voru við veiðarnar á Breiðafirði en þær takmarkast við það svæði. „Við erum búnir að ná í 2400 tonn af 4000 tonna veiðiheimildum í síld,“ sagði Sindri og var því næst spurður út í loðnu og loðnuveiðar.