„Fjármálaráðherra hefur sent óbyggðanefnd nýja kröfugerð vegna Vestmannaeyja. Í kröfunni hefur ráðherra fallið frá stórum hluta af fyrri kröfum. Ekki er lengur gerð krafa í Heimaklett eða brekkurnar í Herjólfsdal,“ segir Íris Róbertsdóttir, bæjarstjóri í Vestmannaeyjum á Fésbókarsíðu sinni.

„En því miður heldur ríkið sig enn við það að vilja hluta af Vestmannaeyjum ( Stórhöfða) og allar úteyjarnar. Þrátt fyrir að Vestmannaeyingar hafi árið 1960 keypt allar Eyjarnar og borgað ríkinu fyrir! Því mun ríkið halda áfram að borga okkar lögmönnum og sínum lögmönnum til þess að halda áfram með þetta stór-furðulega og óþarfa verkefni! Hér fer ríkið ekki vel með opinbert fé!“ segir Íris og má taka undir með henni í þessu stórfurðulega máli.

Nánar í næsta blaði Eyjafrétta.