Spennandi að sjá hvað kemur næst 

 Hljómsveitin Þögn tók þátt í úrslitakvöldi Músíktilrauna síðastliðinn laugardag. Hljómsveitin er einungis skipuð stelpum en þær höfðu tekið þátt í undankepppninni þann 9. mars en komust ekki áfram. Í vikunni fyrir úrslitakvöldið tilkynnti dómnefnd hvaða tvö atriði auka atriði kæmust áfram í vali dómnefndar og í þetta sinn voru þau bæði frá Eyjum. Hljómsveitin Þögn og Eló, sem er listamannanafn eyjakonunnar Elísabetar Guðnadóttur en nánar er rætt við hana hér í blaðinu.  

 Hljómsveitina Þögn skipa þær Aðalbjörg Andrea Brynjarsdóttir troimmuleikari, Arna Gunnlaugsdóttir gítarleikar, Elín Sif Hlynsdóttir bassaleikari, Júlí Bjart Sigurjónsdóttir bassaleikari, María Fönn Frostadótti söngkona og Sara Elía Ó. Tórshamar gítarleikari. Stúlkurnar stofnuðu hljómsveitina fyrir fjórum mánuðum og hafa strax samið þrjú lög. Stelpurnar stóðu sig ótrúlega vel á laugardaginn og verður spennandi að sjá hvað kemur næst hjá Þögn en þær eiga framtíðina fyrir sér. Arna Gunnlaugsdóttir ein af gítarleikurum sveitarinnar er Eyjamaður vikunnar.         

Fullt nafn: Arna Gunnlaugsdóttir.

Fjölskylda: Foreldrar mínir og Elli bróðir.

Hefur þú búið annarsstaðar en í Eyjum: Neibbs.

Mottó: Ég er ekki viss, bara hik er sama og tap.

Síðasta hámhorfið: Erm whadaflip ég veit það ekki. 

Uppáhalds hlaðvarp: Ég hlusta reyndar ekki á nein hlaðvörp.  

Uppáhalds kvikmynd: Lars and the real girl. Ég felldi fleiri en nokkur tár.

Aðaláhugamál: Ég breyti eiginlega um áhugamál á svona tveggja mánaða fresti en akkurat núna er það bara að spila á gítar og vera með hljómsveitinni.

Eitthvað sem þú gerir á hverjum degi sem þú gætir ekki verið án: umm örugglega bara að anda.

Hvað óttast þú mest: Að uppáhalds nágranni minn flytji í burtu (Elsa).

Hvaða tónlist kemur þér í gott skap: Lögin frá hljómsveitinni Þögn klikka aldrei. 

Hvað er velgengni fyrir þér: Að gera eitthvað sem lætur manni líða eins og krúttsprengju.

Hvar sérðu sjálfa þig eftir 20 ár: Örugglega bara 20 árum eldri en núna.

Hvænar byrjar þú að spila á hljóðfæri: Ég byrjaði reyndar bara að spila á gítar þegar hljómsveitin var stofnuð.

Hvernig er að vera í hljómsveit: Algjör krúttSPRENGJA. Ég mæli með því fyrir alla, stóra sem smáa, mjög gaman fyrir alla fjölskylduna.

Hvenær var hljómsveitin stofnuð: Hún var stofnuð í nóvember 2023.

Hvernig var að taka þátt í Músíktilraunum: Crazy upplifun og mjög skemmtilegt fólk. Það leið næstum því yfir mig úr stressi en síðan var þetta ógeðslega skemmtilegt og mér líður eins og ég hafi bara verið að dreyma.

Hvernig var tilfinningin að komast áfram: Ég var bara uppi í rúmi í símanum og allt í einu hringdi ein úr hljómsveitinni og sagði okkur að við komumst áfram og mér brá svo mikið og ég var svo spennt. Þetta var svo góð tilfinning.

Hvert er framhaldið hjá Þögn: Redda fleiri bluetooth míkrafónum og svo taka yfir heiminn.

Eitthvað að lokum: Ég vona að allir sem lesa þetta eigi góðan dag og ekki gleyma að vera krúttsprengja.