Eyjamaðurinn Arnór Viðarsson átti stórleik þegar Karlskrona vann 32-30 heimasigur á nýliðum Lugi í sænsku úrvalsdeildinni í handbolta í gærkvöld. 

Arnór skoraði sjö mörk úr átta skotum og lagði upp sex mörk til viðbótar fyrir liðsfélaga sína. Hann kom því með beinum hætti að 13 mörkum liðsins. Frammistaðan skilaði honum titlinum maður leiksins.

Sigurinn var sá annar í röð hjá Karlskrona í deildinni og lyfti hann liðinu upp úr fallsætunum. Þeir sitja í 10. sæti deildarinnar með fjögur stig.