Ástæður fyrir uppsöfnun timburs 

Sú staða sem nú er uppi má rekja til bilunar sem varð á færibandi við kvörn í móttökustöð Terra. Því miður tók langan tíma hjá Terra að útvega nýtt færiband. Til að bregðast við fór Terra í þá bráðabirgðalausn að koma öllu timbri fyrir í Búastaðagryfju á meðan. Vegna mikillar losunar á þessum úrgangsflokki frá bæði einstaklingum og fyrirtækjum safnaðist mikið magn upp á skömmum tíma.

Eftirlit Umhverfis- og orkustofnunar 

Þann 3. júní síðastliðinn kom fulltrúi frá Umhverfis- og orkustofnun í formlegt eftirlit í Búastaðagryfju. Í kjölfar þeirrar heimsóknar er beðið eftir skýrslu frá stofnuninni. Vestmannaeyjabær og Terra munu yfirfara þá skýrslu ítarlega og bregðast við þeim ábendingum sem þar koma fram og leggja til úrbótaáætlun.

Næstu skref 

Megináhersla er lögð á að koma svæðinu aftur í viðunandi horf hið fyrsta. Á næstu vikum mun Terra fjarlægja allt timbur sem safnast hefur upp í gryfjunni og koma því í viðeigandi farveg.

Bærinn þakkar íbúum fyrir ábendingar sínar og þolinmæði á meðan unnið er að lausn málsins, segir í tilkynningunni.