Líklega hefur hvergi verið betra að virða fyrir sér gosmökkinn úr Eyjafjallajökli en á Heimaey nú síðdegis þegar rofaði til og jökullinn varð mönnum sýnilegur í fyrsta sinn eftir að gosið hófst. Gosmökkurinn var bæði tignarlegur og ógnarlegur í senn þar sem hann reis líklega eina 8 kílómetra upp í loftið og þeytti gosösku um alla Evrópu. Síðdegis blés vindur úr suðvestri og gátu Eyjamenn því fylgst áhyggjulausir með gosinu um sinn. Eins og sjá má á myndbandinu sem fylgir frétinni fylgdust fjölmargir með náttúruöflunum.