Bleik messa fór fram í Landakirkju í dag í tilefni bleiks októbers, þar sem sjónum var beint að baráttunni gegn krabbameini.

Kristín Valtýsdóttir sagði frá starfi Krabbavarnar í Vestmannaeyjum og þeirri þjónustu og stuðningi sem félagið veitir. Þá deildi Margrét Þóra Guðmundsdóttir reynslusögu sinni með kirkjugestum.

Bleikar messur eru haldnar í tengslum við bleikan október, árlegt árvekni- og fjáröflunarátak þar sem athygli er vakin á krabbameini hjá konum og mikilvægi fræðslu, stuðnings og rannsókna.

Stundin var hluti af dagskrá kirkjunnar í október og var áhersla lögð á samveru, von og stuðning við þau sem hafa tekist á við krabbamein og aðstandendur þeirra.