Býður upp á nýja leið til að skoða Eldfell

Umhverfis- og skipulagsráð Vestmannaeyja tók nýverið fyrir skipulagsbreytingar vegna minnisvarða á Eldfelli í tilefni af 50 ára gosloka-afmæli.

Lögð var fram tillaga á vinnslustigi að breyttu aðalskipulagi Vestmannaeyja 2015-2035 ásamt umhverfismati áætlunar, greinargerð og uppdrætti vegna nýrrar deiliskipulagstillögu og umhverfismat áætlana. Heildarstefna skipulagsáætlananna er sú sama en gögnin hafa þó tekið einhverjum breytingum vegna breytinga á hönnun listaverksins á útsýnisstað og vegna nýrrar landsskipulagsstefnu.

Ráðið samþykkti fyrir sitt leyti að kynna tillögu á vinnslustigi fyrir Eldfell og nærliggjandi svæði vegna uppbyggingar listaverks um eldgos á Heimaey. Hér fyrir neðan er úrdráttur úr fylgiskjölum sem unnin eru af Alta vegna deiliskipulags á svæðinu vegna framkvæmdanna.

Listaverk Ólafs Elíassonar, sem hefur vinnuheitið Wanderer’s perspective (sjónarhorn flakkarans), samanstendur af tveimur hlutum:

Minnisvarða með afmörkuðu hringlaga sjónarhorni í átt að Eldfelli
Stíg upp og niður Eldfell sem mótar hring um Eldfellsgíginn, séð frá hringlaga sjónarhorninu við minnisvarðann.

Hringurinn hefur tvær merkingar:

Myndar sjónarhorn beint í suður og rammar inn sólina þegar hún rís hæst 21. janúar, daginn sem fyrstu skjálftarnir hófust.
Markar tvo mikilvæga áfanga í baráttunni við eldfjallið:
1. Baráttuna gegn framgangi Flakkarans, táknað með efri boga hringsins á himninum
2. Hægfara kólnun hraunsins, sem táknuð er með neðri boganum á jörðinni.

Minnisvarðinn, sem verður um 4,8 m breiður á alla kanta og 4 m hár, býður upp á nýja leið til að skoða Eldfell. Hann býður fólki að safnast saman og leita skjóls, á meðan stígurinn býður gestum að klífa tindinn.

Sameinar margar hugmyndir

Ólafur Elíasson lýsir verkinu svo:

„Verkið sameinar margar hugmyndir sem mér eru kærar: mikilvægi þess að gefa sér tíma til að staldra við og hugsa, finna fyrir tilvistinni hér og nú, véfengja eigin sjónarhorn, hugleiða um afstæði tilverunnar og forvitni um sjónarhorn og upplifanir annarra, ennfremur að velta fyrir sér hreyfingu líkamans og hlutverki hans í því að standa andspænis veröldinni og að móta hana.”

Myndin hér að ofan sýnir núverandi stíga og vegi (hvítar línur) og nýjan stíg um Eldfell (rauð lína) sem er hluti af listaverki Ólafs Elíassonar. Stígurinn verður 1,5-2,5 metra breiður. Gert er ráð fyrir að bæta megi við litlum áningarstöðum eða útsýnispöllum við hringstíginn þar sem gestir geta kastað mæðinni og þar sem ágangur er mikill og verja þarf yfirborð.

Nýjustu fréttir

Vinnslustöðin

Eyjafiskur í mikilli sókn vestanhafs

Áhugavert

Segja forsendur útboðs heilsuræktar hafa breyst verulega

Íþróttir

ÍBV tekur á móti ÍR

Áhugavert

Óvenjulegar eignfærslur og tafir á afhendingu gagna

Fréttatilkynning

Opið hús hjá Krabbavörn

Áhugavert

Fermingar á næsta leyti

Áhugavert

Bent kemur fram á Hljómey!

Fréttir

Skyndihjálparnámskeið hjá Visku um helgina

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Sjónarhorn flakkarans

Sameinar margar hugmyndir

Nýjustu fréttir

Góð ráð fyrir siglingu

Sjóveiki