Ekki er allt sem sýnist

Eyjafréttir
·
Fréttir
·
14. júlí 2014

Undanfarin kvöld, þegar HM lauk í Ríkissjónvarpinu, flakkaði ég talsvert á milli sjónvarpsstöðvanna ÍNN og N4, en þar er eingöngu sýnt íslenskt efni og víða komið við. �?g hef uppgötvað að þessar stöðvar eru að opna manni nýja sýn á landið Ísland og íslensku þjóðina. Af þeim fréttum sem landsfjölmiðlarnir hafa uppá að bjóða, gæti maður staðið í þeirri meiningu að á höfuðborgarsvæðinu séu hlutirnir að gerast, þar sé menningin og þar sé athafnalífið. �?aðan eru jú fréttirnar. Meira að segja veðrið í Reykjavík er veðrið á landinu. �?ti á landi búi hinsvegar fólk sem ekki nýtur menningar í einföldu fábreyttu mannlífi. Bíður þess helst að flytja til höfuðborgarsvæðsins. �?að fólk sem fengið er til álitsgjafa á ýmsum þjóðfélagsmálum eða er fengið í hina ýmsu umræðuþætti, er fólk úr ákveðinni elítu höfuðborgarinnar. Fólk af landsbyggðinni er greinilega ekki nógu vel upplýst til að tjá skoðanir sína á þjóðfélagsmálum á þeim vettvangi. �?annig allavega horfir þetta við mér. En bíðum við, ekki er allt sem sýnist.

Í sjónvarpsþáttum Ingva Hrafns, sjónvarpsstjóra ÍNN þar sem hann heimsækir Vestfirði og Norðurland, og sem hann sýnir á sjónvarpsstöðinni sinni, kemur í ljós að þar er víðast blómleg menning og mannlíf og þar býr upplýst og skoðanaríkt fólk. �?ar lifir fólk ágætu lífi og líður vel. Er að fást við fjölbreytt verkefni sem aldrei er minnst á, nema í héraðsfréttamiðlunum. N4 sjónvarpsstöðin á Akureyri flytur manni fréttir af blómlegu menningarlífi og athafnalífi þar í bæ og í nærsveitunum. Miklu blómlegra mannlífi en mann óraði fyrir. – Og Fiskistofufólkið sem taldi að það þyrfti áfallahjálp ef það ætti að flytja þangað.

Til margra ára hefur það verið yfirlýst markmið ríkisvaldsins, að dreifa opinberum störfum um landið, þótt reyndin hafi í raun verið á hinn veginn. Í viðtali Morgunblaðsins við bæjarstjórann á Ísafirði í fyrradag, segir hann: �??Ef við náum einhverjum störfum eða verkefnum til okkar, hefst strax barátta við að halda í þau. Að kvöldi er búið að strika mest allt út vegna hagræðingar. Næsta dag hefst sama stríðið. Hér er komið með starfsstöð, svo kemur krafa um hallalaus fjárlög og niðurskurð. Og þá er kannski fyrir þann sem mannaforráðin hefur, auðveldara að segja upp manni fyrir vestan en þeim sem situr í næsta herbergi.�??

Á Íslandi búa tvær þjóðir, landsbyggðin og höfuðborgarsvæðið. �?að er löngu kominn tími til að jafna fleira en atkvæðisréttinn.

www.http://vimeo.com/100122022

Nýjustu fréttir

Sjávarútvegur

Landað í Grindavík og í Eyjum

Aðsend grein

Þarf vinnuskóli að vera vesen?

Áhugavert

„Við erum að tala um 18 íbúðir, ekki eitt einbýlishús“

Áhugavert

Veisla hjá Bjössa í 20 ár

Fréttir

Allir bæjarfulltrúar sameinast um kröfur til ríkisstjórnarinnar

Íþróttir

TM mótið hefst á morgun

Aðsent

Afmælisdagarnir gáfu ömmunni milljónir

Áhugavert

Koddaslagur systranna skilaði 500 þúsund til Krabbavarnar

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki