Handboltamaðurinn og Eyjamaðurinn Elmar Erlingsson hefur framlengt samningi sínum við þýska B-deildarliðið HSG Nordhorn-Lingen. Samningurinn gildir til sumarsins 2027. Félagið greindi frá tíðindunum á heimasíðu sinni fyrr í dag.

Elmar er 20 ára gamall leikstjórnandi sem gekk í raðir Nordhorn-Lingen frá ÍBV þar síðasta sumar. Hann hefur skorað 53 mörk á þessu tímabili.

Í tilkynningu Nordhorn-Lingen segir Elmar ,, Mér líður einfaldlega vel hjá félaginu og hef ekki fundið betra tækifæri fyrir mig neins staðar annars staðar”.

Nordhorn-Lingen situr 5. sæti þýsku B-deildarinnar. Fyrsti leikur liðsins í deildinni á nýju ári er á sunnudaginn gegn Grosswallstadt.