Páll Marvin Jónsson var á laugar­daginn sæmdur hinni Konunglegu riddaraorðu sem hans hátign Har­aldur V Noregskonungur veitir þeim sem hafa unnið framúrskar­andi störf fyrir Noreg. Er hún veitt bæði Norðmönnum og útlendingum og fær Páll hana fyrir störf sín sem ræðismaður í Vestmannaeyjum síð­ustu tíu árin. Það var sendiherra Noregs á Íslandi, Dag Wernö Holter, sem veitti Páli Marvin orð­una og fór athöfnin fram í Náttúru- og fiska­safninu að viðstöddum ­fjölda manns. Meðal annars voru allir konsúlar Noregs á Íslandi meðal gesta.