Erna Sólveig - Hjálparstarf í Afríku og nám í Svíþjóð

Eyjafréttir
·
Fréttir
·
6. júlí 2026

Ritstjórn

frettir@eyjafrettir.is

Erna Sólveig Davíðsdóttir útskrifaðist úr Framhaldsskólanum í Vestmannaeyjum og Afreksakademíu ÍBV í lok síðasta mánaðar. Erna var á náttúrufræðibraut og fékk hún viðurkenningu fyrir góðan heildarárangur í námi, með 8,6. Hún stundaði knattspyrnu meðfram námi sínu í FÍV og var hluti af átta manna hóp sem útskrifaðist einnig úr Afreksakademíu ÍBV. Að sögn Ernu fannst henni gott að fá fleiri æfingar í akademíunni sem einblíndu á tækni og svo fannst henni einnig mjög gaman að kynnast krökkunum sem voru hluti af akademíunni.

Aðspurð að því hvað hafi staðið upp úr frá tíma hennar í FÍV segir hún, ,,Klárlega félagslífið. Mér finnst skemmtilegt að búa í litlu samfélagi, þá kynnist maður öllum mun betur en annars staðar. Einnig fannst mér mjög skemmtilegt þegar handbolta- og fótboltaakademían sameinuðust. Þá æfðum við saman á morgnana og fórum til dæmis oft í blak saman.”

Það getur verið krefjandi að vera í fullu námi og stunda íþróttir af krafti en með góðu skipulagi verða hlutirnir auðveldari. Erna segir að sér hafi gengið vel að samræma æfingar og námið. Hún reyndi alltaf að skipuleggja sig vel og klára öll verkefni tímanlega. Einnig nýtti hún oft ferðalögin í keppnisferðum og helgarnar í að læra.

Hver var stærsta áskorunin sem þú stóðst frammi fyrir á þessum tíma? ,,Ég man sérstaklega vel eftir seinustu vikunum fyrir jólin 2024, á öðru ári. Þá vorum við stelpurnar í mörgum krefjandi áföngum og það voru mörg próf á fáum dögum. Þá fannst mér sérstaklega erfitt að finna nægan tíma til að læra fyrir hvert og eitt próf.” Þá segir hún jafnframt að sumir áfangarnir voru erfiðari en hún hafi gert ráð fyrir, eins og til dæmis eðlisfræðin.

Það eru spennandi tímar framundan hjá Ernu en hún segist ætla að taka sér pásu frá námi og vinna næstkomandi vetur. ,,Ég fer síðan til Tanzaníu í október í safaríferð og mun búa í tvo mánuði á eyju sem heitir Zanzibar. Þar ætla ég að taka þátt í hjálparstarfi ásamt frænku minni.”

Hún stefnir svo á frekarar nám haustið 2027 og þá helst til Svíþjóðar þar sem hún bjó þegar hún var yngri. ,,Mig hefur alltaf langað að vinna innan heilbrigðiskerfisins og þá sérstaklega sem sjúkraþjálfari.”

Að lokum segir Erna að það sem hún muni helst sakna frá tíma sínum í FÍV sé að geta hitt vini sína og vinkonur daglega.

Nýjustu fréttir

Fréttir

Erna Sólveig – Hjálparstarf í Afríku og nám í Svíþjóð

Úr blaði Eyjafrétta

Hvað vita börnin um eldgosið á Heimaey: Gabríela Máney

Aðsend grein

Blessuð sé minning starfshópsins

Úr blaði Eyjafrétta

Hvað vita börnin um eldgosið á Heimaey: Bjarki Þór

Úr blaði Eyjafrétta

Hvað vita börnin um eldgosið á Heimaey: Haraldur Dúi

Íþróttir

Fimmti flokkur drengja ÍBV tók þátt í N1 mótinu á Akureyri

Fréttir

Skipaumferð setti svip á höfnina í dag

Áhugavert

Eyjasundinu flýtt vegna veðurs

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Ritstjórn

frettir@eyjafrettir.is

Nýjustu fréttir

Góð ráð fyrir siglingu

Sjóveiki