Karlalið ÍBV er komið í 16 liða úrslit Eimskipsbikarsins eftir 28:29 sigur á Víkingum í Víkinni í kvöld. Leikurinn var bráðfjörugur og mjög spennandi en Víkingar voru þremur mörkum yfir í hálfleik, 16:13. Pétur Pálsson, línumaðurinn sterki var atkvæðamestur hjá ÍBV, skoraði níu mörk en undir lokin varði Kolbeinn Arnarson, markvörður ÍBV mikilvægt skot sem kom í veg fyrir að Víkingar jöfnuðu metin. ÍBV teflir því fram tveimur liðum í 16 liðar úrslitum, aðalliðinu sem komst áfram í kvöld og B-liðinu, en B-lið Gróttu gaf leikinn gegn B-liði ÍBV sem komst því án fyrirhafnar áfram.