Eyjamenn töpuðu í kvöld fyrir Leikni frá Reykjavík í fyrstu umferð Lengjubikarsins. Það er óhætt að segja að sigur Leiknis sé óvæntur enda leikur Leiknir í 1. deild næsta sumar en ÍBV í úrvalsdeild og var fyrirfram talið sigurstranglegra. En það dugir ekki alltaf til. Leiknismenn komust yfir um miðjan fyrri hálfleikinn en Tryggvi Guðmundsson jafnaði metin skömmu fyrir leikhlé. Leiknismenn skoruðu svo tvö mörk í síðari hálfleik og unnu 3:1. Eiður Aron Sigurbjörnsson fékk að líta rauða spjaldið í síðari hállfleik.