Brynjar Ólafsson, framkvæmdastjóri umhverfis- og framkvæmdasviðs Vestmannaeyjabæjar fór yfir fyrirhugaðar uppbyggingar rafhleðslustöðva og samstarfs sumarið 2024, á fundi umhverfis- og skipulagsráðs í byrjun vikunnar.

Vestmannaeyjabær hefur hlotið styrki fyrir uppsetningu hleðslustöðva við stofnanir bæjarins og ákveðna ferðamannastaði. Auk þess er til skoðunar að setja upp varanlegar hraðhleðslustöðvar. Lögð voru fram drög að forgangsröðun að uppsetningu hleðslustöðva.

Samstarfsverkefni er við Orku Náttúrunnar á uppbyggingu á hverfahleðslu sem er í samræmi við umhverfis- og auðlindastefnu Vestmannaeyjabæjar. Allir mögulegir og áhugasamir samstarfsaðilar eru hvattir til að senda inn fyrirspurnir/umsóknir.

Í niðurstöðu segir að ráðið þakki kynninguna og felur ráðið starfsfólki umhverfis- og framkvæmdasviðs framgang málsins.