Frábær seinni hálfleikur Eyjamanna gegn Aftureldingu dugði ekki til þegar liðin áttust við í fyrstu umferð umspilsins í Mosfellsbæ í dag. Leikmenn Aftureldingar voru mun sterkari í fyrri hálfleik og í leikhléi munaði sex mörkum, 17:11. En hálfleiksræða Arnars Péturssonar, þjálfara ÍBV virkaði greinilega vel því Eyjamenn jöfnuðu 25:25 þegar skammt var til leiksloka. En Mosfellingar höfðu sigur á lokasprettinum 28:27. Liðin mætast svo að nýju í Eyjum á þriðjudaginn klukkan 19:00.