Halldór B. Halldórsson tekur stöðuna á framkvæmdum á fjórum stöðum í Vestmannaeyjum í nýju myndbandi sínu.

Ferðin hefst í Viðlagafjöru, þar sem áframhaldandi uppbygging er sýnd. Þaðan er haldið vestur í Áshamar og litið á framkvæmdir við byggingu fjölbýlishúss. Því næst flýgur Halldór drónanum yfir framkvæmdasvæðið við Íþróttamiðstöðina.

Að lokum liggur leiðin á Sólhlíð, þar sem sjá má stöðuna á framkvæmdum við fjölbýlishúsið þar. Sjón er sögu ríkari. Myndbandið má sjá hér að neðan.