Í síðasta blaði Eyjafrétta birtist auglýsing frá Uppbyggingarsjóði Suðurlands þar sem auglýst er eftir umsóknum um verkefnastyrki á sviði nýsköpunar, menningar og atvinnuþróunar á Suðurlandi. Í dag eru þau Dorothee Lubecki og Finnbogi Alfreðsson frá Uppbyggingarsjóðnum stödd í Eyjum til aðstoða væntanlega umsækjendur, veita þeim upplýsingar og alla þá aðstoð sem þeir þurfa. Finnbogi og Dorothee verða á efstu hæð �?ekkingingarsetursins í dag. Vilja þau hvetja alla sem áhuga hafa að hafa samband við þau.

Sjóðurinn hefur það hlutverk að veita verkefnastyrki á sviði nýsköpunar, menningar og atvinnuþróunar á Suðurlandi

Umsóknarfrestur er til og með 12. maí nk.

Uppbyggingarsjóður Suðurlands tekur við hlutverki Menningarráðs og Vaxtarsamnings Suðurlands. Uppbyggingarsjóðurinn er hluti af Sóknaráætlun Suðurlands og er á ábyrgð Samtaka sunnlenskra sveitarfélaga.
Markmið Uppbyggingarsjóðs Suðurlands:

· Að styðja við verkefni sem efla fjölbreytileika atvinnulífs og jákvæða samfélagsþróun á Suðurlandi

· Að efla menningarstarfsemi og listsköpun á Suðurlandi

· Að styðja við atvinnuskapandi- og/eða framleiðniaukandi verkefni á Suðurlandi

Stuðningur við styrkþega, frumkvöðla og einstök verkefni getur einnig falið í sér tímabundna vinnuaðstöðu í frumkvöðlasetri SASS og/eða beina aðstoð ráðgjafa við verkefnið.

Umsækjendur eru hvattir til að hafa samband við ráðgjafa SASS og fá aðstoð og leiðbeiningar við gerð umsókna. Hægt er að hafa samband í síma 480-8200 eða með því að senda fyrirspurn á netfangið styrkir@sudurland.is. Allar umsóknir þurfa að berast rafrænt í gegnum vefinn www.sudurland.is.

Upplýsingar um úthlutunarreglur, leiðbeiningar við gerð umsókna og viðmið við mat á umsóknum er að finna á vefnumwww.sudurland.is.