Gísli Stefánsson stefnir á 3. sæti á lista Sjálfstæðisflokksins. Gísli greindi frá þessu á facebook síðu sinni í morgunn.
“Síðustu 4 ár hafa verið mér lærdómsrík þegar kemur að þátttöku í pólitík. Ég hef setið sem nefndarmaður í fjölskyldu- og tómstundaráði ásamt því að vera formaður Sjálfstæðisfélags Vestmannaeyja undanfarin tvö ár.
Ég hef fundið meðbyr með skrifum mínum um pólitísk málefni og finn að hugmyndir mínar eiga fullt erindi inn í umræðuna. Ég hef líka verið hvattur til áframhaldandi þátttöku í pólitísku starfi og hef því ákveðið að bjóða mig fram í 3. sæti á lista Sjálfstæðisflokksins í Vestmannaeyjum í komandi prófkjöri.
Um leið og ég tilkynni þetta vonast ég til að fleiri gefi kost á sér svo halda megi veglegt prófkjör. Að mínu mati eru fár leiðir áhrífaríkari til að hafa áhrif á samfélagið sitt en að taka þátt í pólitík. Þrefið sem því oft fylgir er ekki alltaf eftirsóknarvert en þegar markmið nást og vel gengur er það gríðarlega gefandi.”
Nýjustu fréttir
Mest lesið
