- Eyjafréttir
- ·
- Fréttir
- ·
Gíslína Dögg opnar sýningu á Menningarnótt
Gíslína Dögg Bjarkadóttir opnar sýningu á Menningarnótt og ber hún heitið, Hugur minn dvelur hjá þér – Heimaey 1973″.
„Verkin á sýningunni tengjast eldgosinu á Heimaey og þeim áhrifum sem gosið hafði á samfélagið, umhverfið og náttúruna. Hér er um að ræða grafíkverk og innsetningar í bland við ýmiskonar aðferðir og náttúrustemmingar sem ég hef verið að nota í listsköpun minni til þessa dags,“ segir Gíslína.
Opnun er laugardaginn 19.ágúst kl. 13.00 og verður opið þann dag til kl. 20.00.
Sunnudaginn 20.ágúst verður svo opið frá kl. 11.00 til 17.00.
Staðsetning er Grafíksalurinn í Hafnarhúsinu Tryggvagötu 17 (gengið inn Hafnarmegin).
