Góður starfsandi og umhyggjusamt starfsfólk
Jona Hsu
Jóna Björgvinsdóttir. Ljósmynd/hsu.is

Á vef HSU er rætt  við Jónu Björgvinsdóttur. Jóna er skrifstofu- og rekstrarstjóri Heilbrigðisstofnunar Suðurlands í Vestmannaeyjum. Hún hefur starfað hjá stofnuninni samfleytt frá árinu 2001, fyrst á Heilbrigðisstofnun Vestmannaeyja og svo HSU frá sameiningu þessara stofnana.

Áhugamálin fjallgöngur, líkamsrækt og prjónaskapur

„Ég er fædd og uppalin í Vestmannaeyjum og gekk hérna í Barnaskólann, Gagnfræðaskólann og Framhaldsskólann. Kláraði seinna bókaranám við Háskólann í Reykjavík og hef jafnframt lokið framhaldsnámi við Háskólann á Bifröst. Sem unglingur vann ég í fiski, en hef mestmegnis unnið skrifstofustörf á fullorðinsárum. Ég er ekkja og á þrjú börn, þrjú tengdabörn og sjö barnabörn. Hvað snertir lífið eftir vinnu, þá eru áhugamálin fjallgöngur, líkamsrækt og prjónaskapur.“

„Það besta við vinnustaðinn er fólkið hérna – sjálfur mannauðurinn – en það besta við Eyjar er stærð bæjarins, íbúarnir og náttúran. Ég hef unnið hérna hjá HSU í liðlega 20 ár og líkar mjög vel. Starfsandinn er góður og umhyggja samstarfsfólksins gagnvart hvort öðru er mikil.“

Eykur samskiptin við Hraunbúðir

Við biðjum Jónu um að segja okkur aðeins nánar frá sínu starfi og viðfangsefnum. „Ég hef daglega umsjón með ýmsum þáttum, til dæmis skipulagi starfseininga, samvinnu við stjórnendur og upplýsingamiðlun til starfsfólks um ýmsa þætti starfseminnar. Í mínum verkahring er sömuleiðis talsverð vinna með mannauðsteymi, leiðbeina með Vinnustund og vaktakerfi og sinna öðru skipulagi eftir þörfum.“

„Ég starfa mikið á eigin spýtur og er í rauninni beintenging Vestmannaeyja við framkvæmdastjórn og sinni því flestum þáttum starfsemi á sjúkrahúsinu, heilsugæslunni og dvalar- og hjúkrunarheimilinu Hraunbúðum. Á sjóndeildarhringnum er að auka enn frekar samskiptin við Hraunbúðir sem er mjög áhugavert verkefni og verður ábyggilega afskaplega lærdómsríkt. Ég verð með aðstöðu á Hraunbúðum tvisvar í viku og kynnist því starfsfólkinu og heimilisfólkinu þar betur og held að það verði til góðs.” segir Jóna í samtali við hsu.is.

Nýjustu fréttir

Fréttir
Sköpunarhúsið áfram opið í sumar 
Mannlíf
Tónleikar og skemmtun í Höllinni um helgina
Fréttir
Innviðaráðherra og forstjóri Vegagerðarinnar heimsóttu borstæði Eyjaganga
Samgöngur
Tólf ferðir á dag til og frá Eyjum frá 8. júní – uppfært
Aðsend grein
Högum okkur
Herjólfur
Herjólfur frestar 8 ferða áætlun 
Fréttir
Karlakór Vestmannaeyja með vortónleika
Áhugavert
Eyjagöng: Borað yfir 120 metra á rúmri viku
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.