Húkkaraballið fór vel fram í gær en góð aðsókn var á ballið. Páll �?skar sá um að halda uppi stuðinu og stóð ballið yfir til klukkan hálf fimm í morgun, enda var einmuna veðurblíða í nótt og í morgun. Samkvæmt upplýsingum frá lögreglu voru ballgestir upp til hópa prúðir og enginn fékk gistingu í fangageymslu, sem þykir óvanalegt. Hins vegar komu nokkur smávægileg fíkniefnamál til kasta lögreglunnar en engin er grunaður um að hafa ætlað að selja fíkniefni. Lögregla er með mikinn viðbúnað í Eyjum, m.a. tvo fíkniefnahunda og hefur lögreglan fengið mikinn liðsauka um helgina.