Ég gerði mér til gamans nú á dögunum að spjalla við nokkra Vestmannaeyinga um landsins gagn og nauðsynjar, stöðu ýmissa mála og fleira i þeim dúr.

Vestmannaeyjabæjar við barnafjölskyldur geysilega mikilvæga. Í því sambandi nefndi hún að fæðiskostnaður, gjaldskrár leikskóla og frístundavers væru í lágmarki. Þetta allt skipti miklu máli fyrir barnafólk. Þá taldi hún hækkun frístundastyrks vegna tómstundastarfa vega þungt þegar afkoma barnafjölskyldna er skoðuð. Þetta þakkar hún fyrst og fremst Eyjalistanum sem lofaði þessum þáttum fyrir síðustu kosningar og stóð myndarlega við loforðin. Hún ætlar svo sannarlega að kjósa Eyjalistann aftur núna og sagðist vita um marga foreldra sem ekki kusu Eyjalistann síðast en ætla að gera það nú.

Kona á fimmtugsaldri gerði að umtalsefni nýja könnun meðal landsmanna um

búsetuskilyrði sín þar sem í ljós kemur að Vestmannaeyingar eru ánægðastir allra Íslendinga með sín búsetuskilyrði. Þetta kæmi sér þó ekki á óvart því hér í Eyjum hafa verið skapaðar góðar aðstæður fyrir fólk á öllum aldri. Núverandi bæjarstjórn ætti þakkir skildar fyrir sinn óumdeilanlega þátt þessum góðu aðstæðum .

Ung kona um þrítugt sem á þrjú börn í leik- og grunnskóla taldi aukna þjónustu

Eldri karl um áttrætt sagðist vera afar ánægður með störf núverandi meirihluta. Hann benti á að í mörgum þjónustukönnunum kemur fram að eldri Vestmannaeyingar eru meðal ánægðustu landsmanna með þjónustu sveitarfélaga við eldra fólk. Hann sagðist vera sérstaklega hrifinn af heilsueflingarátaki fyrir aldraða, að varla væri hægt að hugsa sér það betra.

Kona og karl í ferðaþjónustu fullyrða að öll samskipti bæjaryfirvalda við ferðaþjónustuna hefðu gersamlega breyst til batnaðar á síðustu fjórum árum. Nú væri ferðaþjónustan og Vestmannaeyjabær í góðu samstarfi sem væri til fyrirmyndar og treysti enn frekar þá mikilvægu atvinnugrein sem ferðaþjónustan er.

Mér, sem stuðningsmanni Eyjalistans, þótti afar vænt um að heyra þessi sjónarmið. Ekki síður þótti mér vænt um að heyra að allt þetta fólk taldi Eyjalistann vera það afl sem mestu hefði ráðið um framgang þeirra mála sem hér hefur verið minnst á. Staðan á vakt Eyjalistans ætti því að vera góð þegar gengið verður til kosninga hinn maí.

Kannski ræði ég við fleiri um málefni okkar Vestmannaeyinga og læt ykkur vita hér í miðlinum innan tíðar.

Ragnar Óskarsson