ÍBV og topplið Víkings Reykjavík mættust í 18. umferð Bestu deildar karla í Víkinni í kvöld. Leiknum lauk með 2-2 jafntefli.

Eyjamenn byrjuðu leikinn frábærlega og komust yfir eftir aðeins tvær mínútur þegar Sesar Örn Harðarson skoraði eftir sendingu frá Róberti Elís Hlynssyni. Víkingur jafnaði leikinn undir lok fyrri hálfleiks með skallamarki frá Daða Berg Jónssyni. Staðan 1-1 í hálfleik. 

Víkingar byrjuðu síðari hálfleikinn betur og náðu forystunni á upphafsmínútunum. Gylfi Þór Sigurðsson laumaði þá boltanum á Svein Margeir Hauksson, inn á teig Eyjamanna, sem skoraði af öryggi. Viggó Valgeirsson og Omar Sowe fengu báðir góð færi til að jafna leikinn fyrir ÍBV stuttu síðar en tókst ekki að stýra boltanum á markið.

Undir lok leiks fengu Eyjamenn vítaspyrnu þegar Sveinn Gísli Þorkelsson sparkaði í höfuðið á Mathias Edeland þegar hann var við það að skalla boltann, inn á teig Víkinga. Vicente Valor steig á punktinn og skoraði af miklu öryggi. Lokatölur leiksins 2-2.

Eyjamenn eru með 17 stig í níunda sæti deildarinnar á meðan Víkingur R. er á toppnum með 45 stig.

18. umferð Bestu deildar karla

• Víkingur R. 2 – 2 ÍBV

0-1 Sesar Örn Harðarson (‘2 )

1-1 Daði Berg Jónsson (’43 )

2-1 Sveinn Margeir Hauksson (’47 )

2-2 Vicente Rafael Valor Martínez (’89 , víti)

• ÍA 2 – 0 Þór
• Stjarnan 1 – 0 Keflavík
• KA 0 – 1 FH
• Breiðablik 1 – 3 Valur 
• Mánudagur 10. ágúst 19:15 Fram – KR