Í dag mætast ÍBV og Víkingur R. í Bestu deild kvenna á Hásteinsvelli. Bæði lið hafa byrjað tímabilið af krafti og má búast við spennandi viðureign.

Bæði lið fóru með sigur af hólmi í sínum fyrsta leik – og það í markaleikjum. ÍBV hóf tímabilið með 4–3 sigri á Fram á Lambhagavelli, þar sem sóknarleikur liðsins skilaði sér vel. Á sama tíma vann Víkingur R. 2–1 sigur á Stjörnunni á Víkingsvelli í jöfnum og spennandi leik.

Fyrsti heimaleikur ÍBV í sumar

Leikurinn í dag er fyrsti heimaleikur ÍBV á tímabilinu og því mikilvægt að nýta heimavöllinn. Liðið sýndi mikinn sóknarkraft í fyrsta leik en fær nú sterkan mótherja í heimsókn. Víkingur R. hefur einnig sýnt að liðið er vel skipulagt og erfitt viðureignar, svo ljóst er að hart verður barist um stigin á Hásteinsvelli. Leikurinn hefst klukkan 13:00 í dag.