Kvennalið ÍBV er komið í úrslitaleik Eimskipsbikarsins eftir sannfærandi sigur á FH í kvöld. Fyrirfram var búist við öruggum sigri ÍBV og það rættist því þrátt fyrir að ÍBV hafi ekki sýnst sparihliðarnar í kvöld, þá var sigurinn í raun og veru aldrei í hættu. Florentina Stanciu var í banastuði í marki ÍBV og varði 23 skot, þrátt fyrir að hafa spilað aðeins í um 45 mínútur. Bikarúrslitin verða svo laugardaginn 25. febrúar en þegar þetta er skrifað, þá stefnir allt í að ÍBV mæti þar Íslandsmeisturunum í Val.