Annar maðurinn var dæmdur til að greiða stúlkunni sem hann braut gegn 900 þúsund krónur í bætur en hinn var dæmdur til að greiða 300 þúsund í bætur. Sá var einnig fundinn sekur um margvísleg fíkniefnabrot.

�?á var 18 ára piltur einnig dæmdur í 4 mánaða skilorðsbundið fangelsi fyrir að hafa samræði við 13 ára stúlku. Pilturinn var auk þess fundinn sekur um að hafa tekið við 5 grömmum af amfetamíni og 0,68 grömmum af kannabis frá nafngreindum manni.

Eitt málið kom upp í janúar 2006 en þá var karlmaður um þrítugt handtekinn, grunaður um að hafa nauðgað 13 ára stúlku í verbúð. Eftir rannsókn málsins var maðurinn ákærður fyrir að hafa þröngvað stúlkunni með ofbeldi til annarra kynferðismaka en samræðis. Dómurinn fann manninn sekan í dag þrátt fyrir neitun hans.

Í dómnum kemur fram, að verknaður mannsins hafi leitt til verulegs tjóns fyrir stúlkuna, sem lýsi sér í andlegri vanlíðan, kvíða og mikilli hræðslutilfinningu. Hafi það í för með sér vöðvaspennu og eymsli í maga. �?á hafi stúlkan ekki treyst sér til að mæta í skóla eftir atvikið og hafi skólasókn hennar því að mestu fallið niður af þeim sökum. �?á sé hún enn barn að aldri og á viðkvæmu þroskaskeiði í lífi sínu og því séu afleiðingar verknaðarins víðtækari en ella. Var maðurinn dæmdur til að greiða henni 900 þúsund krónur í bætur.

Annað málið kom upp á síðasta ári þegar lögregla hleraði síma karlmanns á þrítugsaldri, sem grunaður var um fíkniefnabrot. Maðurinn var handtekinn í júní 2005 og fundust þá fíkniefni á honum. Í símahlerunum kom í ljós að verið var að versla með fíkniefni og hagaði lögreglan rannsókninni samkvæmt því.

Í símtali þann 19. júní 2005 gortaði maðurinn sig af því við annan mann að hafa haft samræði við nafngreinda stúlku, sem þá var 13 ára. Í kjölfarið var tekin skýrsla af stúlkunni í Barnahúsi en hún vildi þá ekkert segja um kynni sín og mannsins. Stúlkan mætti aftur til skýrslutöku í Barnahúsi þar sem hún upplýsti að hún hefði haft samfarir við manninn. Hún gaf þá skýringu að hún væri hrædd við hann og hefði því ekki þorað að segja til hans.

Maðurinn viðurkenndi að hafa haft mök við stúlkuna en sagðist ekki hafa vitað um aldur hennar. Dómurinn segir, að ekki hafi komið fram lögfull sönnun, gegn neitun mannsins, að hann hafi vitað eða mátt vita að hún hafi verið 13 ára þegar hann hafði samfarir við hana. Hins vegar hafi hann gerst sekur um gáleysisbrot og bakað sér refsiábyrgð á þeim grunni.

Með þessu broti og fíkniefnabrotunum rauf maðurinn skilorð eldri dóms og var því dæmdur í 18 mánaða fangelsi. Maðurinn var einnig dæmdur til að greiða stúlkunni 300 þúsund krónur í bætur þar sem ljóst væri, að breytingar sem urðu á högum hennar í kjölfar atburðarins, hafi haft áhrif á sálarlíf hennar.

�?riðja málið kom upp í tengslum við annað málið hér að ofan en fram kom í rannsókn á því kom fram að 18 ára piltur hefði einnig haft kynmök við stúlkuna þegar hún var 13 ára. Dómurinn komst einnig að þeirri niðurstöðu, að svo mikill vafi léki á því, að pilturinn hafi vitað, eða hefði mátt vita að stúlkan var ekki orðin fjórtán ára, að hann verði ekki sakfelldur fyrir þá háttsemi. Hann var hins vegar fundinn sekur um gáleysi með því að spyrja stúlkuna ekki að því sérstaklega hvort hún væri orðin fjórtán ára.

Engar bótakröfur voru lagðar fram á hendur piltinum. Fram kemur í dómnum, að móðir stúlkunnar sagði hjá lögreglu, að hún hefði engar kröfur uppi á hendur piltinum; hann og stúlkan hefðu verið góðir og nánir vinir í nokkrar vikur. Hún hefði ekki haft neitt við vinfengi þeirra að athuga en vissulega þætti henni aldursmunur með þeim en þau hefðu verið góðir vinir og liðið vel saman. Engar skaðlegar afleiðingar hefðu orðið af kynnum þeirra.