Lögreglan í Vestmannaeyjum óskar eftir upplýsingum frá almenningi varðandi meinta íkveikju í nót við netagerðina Ísnet. Tilkynning um eld í nótinni kom til lögreglu laust eftir kl. 22:00 í gærkvöldi og óskar lögreglan eftir því að þeir sem urðu varir við grunsamlegar mannaferðir á svæðinu við Ísnet í gærkvöldi hafi samband við lögreglu. Einnig beinir lögreglan því til foreldra og forráðamanna barna, að þeir kanni hvort brunalykt hafi verið úr fatnaði barna þeirra í gærkvöldi.