Uppfært

Færðin hefur versnað það mikið að félagar í Björgunarfélagi Vestmannaeyja eru hættir að losa fastar bifreiðar og því biðlar Lögreglan í Vestmannaeyjum til allra enn og aftur um að vera ekki á ferðinni og njótið frekar samverunnar í faðmi fjölskyldunnar.

Núna er ekkert skyggni úti í Vestmannaeyjum. Félagar í Björgunarfélagi Vestmannaeyja eru að aðstoða við að losa bifreiðar hér og þar og það gengur illa þar sem færðin er mjög slæm og vegfarendur eru á illa búnum bifreiðum.

Það er ekki hægt að ryðja göturnar vegna skyggnis og því biðlar lögregla til allra um að vera heima og fara ekki út úr húsi.