Minningarorð um Árna - Eyjafréttir

Eyjafréttir
·
Fréttir
·
9. júní 2023

Minningarorð um Árna

Árni Johnsen, fyrrverandi alþingismaður og blaðamaður, andaðist á Sjúkrahúsinu í Vestmannaeyjum þriðjudaginn 6. júní síðastliðinn eftir langvarandi veikindi. Hann var 79 ára að aldri. Árna er minnst í eftirfarandi tilkynningu frá skrifstofu Alþingis:

Árni Johnsen var fæddur í Vestmannaeyjum 1. mars 1944. Foreldrar hans voru Ingibjörg Á. Johnsen kaupkona og Poul Kanélas frá Bandaríkjunum, en fósturfaðir hans var Bjarnhéðinn Elíasson, skipstjóri og útgerðarmaður í Eyjum.

Árni lauk prófi frá Kennaraskóla Íslands 1966 og átti eftir það stuttan kennsluferil í Vestmannaeyjum og Reykjavík en var jafnframt starfsmaður í Surtsey við gæslu og rannsóknir nokkur sumur. Hann var blaðamaður við Morgunblaðið á árunum 1967–1991 og fékkst einnig á þeim tíma við dagskrárgerð í útvarpi og sjónvarpi. Árni varð snemma þjóðþekktur sem tónlistarmaður og af störfum sínum við fjölmiðla og lét víða að sér kveða, ekki síst í málefnum Vestmannaeyja eftir að eldsumbrot hófust þar 1973 og í þeim eftirmálum sem af þeim leiddi.

Þingferill Árna hófst árið 1983 er hann náði kjöri af framboðslista Sjálfstæðismanna í Suðurlandskjördæmi og lauk 2013, með tveimur hléum þó, kjörtímabili í hvort sinn. Naut Árni vinsælda í kjördæmi sínu og var efstur á lista Sjálfstæðisflokksins þar í kosningunum 1999. Á þremur þingum sat hann sem varamaður og samtals á 27 löggjafarþingum alls. Hann átti lengst sæti í fjárlaganefnd, samgöngunefnd og menntamálanefnd. Þá var hann í Vestnorræna þingmannaráðinu og formaður þess um tíma.

Árni sat í ýmsum opinberum nefndum og átti hlut að fjölda verkefna á snærum opinberra aðila og félagasamtaka enda átaksmaður við slíkar aðstæður. Hann vann einnig af mikilli elju fyrir kjördæmi sitt, ekki síst heimabæinn, og kom þar mörgu verki vel fram.

Árni Johnsen átti sterkar rætur í Vestmannaeyjum og unni þeim stað og því samfélagi. Hann var íþróttamaður á yngri árum og félagslyndur alla tíð. Hann náði greiðlega til almennings, fyrst með blaðagreinum og þáttum í ljósvakamiðlum og síðar í bókum og bókarköflum sem eftir hann liggja. Hann samdi tónlist, söng og lék eigin lög og annarra og kom fram við ýmis tækifæri. Árni Johnsen fór sjaldnast troðnar slóðir á ævigöngu sinni. Hann var umdeildur en um leið vinmargur og um dugnað hans, einurð og atorku efuðust fáir.

Nýjustu fréttir

Fréttir

Álfsnes úr leik vegna bilunar

Stjórnmál

Trausti opnar kosningaskrifstofu í gamla TM Húsinu

Áhugavert

Strangar kröfur í útboði heilsuræktar vekja ágreining í bæjarstjórn

Stjórnmál

Davíð Oddsson fallinn frá

Íþróttir

ÍBV strákarnir urðu einnig Powerade bikarmeistarar í 3. flokki

Samgöngur

Dýpið mælt í Landeyjahöfn

Íþróttir

ÍBV Powerade bikarmeistari í 3. flokki kvenna

Myndband

Mars heilsar með frosti

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki