Karlakór Vestmannaeyja hélt árlega vortónleika sína í Eldheimum í gærkvöld. Þar bauð kórinn upp á fjölbreytta dagskrá sem samanstóð af hefðbundnum karlakórslögum, vinsælum Eyjalögum og þekktum erlendum lögum.

Tónleikarnir voru vel sóttir og ríkti góð stemning í salnum. Flutningurinn einkenndist af krafti og sönggleði við góðar undirtektir viðstaddra. Meðfylgjandi eru myndir frá tónleikunum sem gefa innsýn í kvöldið og þá skemmtilegu sumarstemningu sem ríkti í Eldheimum.