- Eyjafréttir
- ·
- Fréttir
- ·
Neyðarflugbraut Reykjavíkur lokað fyrir áramót
Í samkomulagi sem undirritað var af Hönnu Birnu Kristjánsdóttur og Jóni Gnarr Kristinssyni kemur fram að tilkynnt verði um lokun neyðarbrautar Reykjavíkurvallar (NA/SV brautar) fyrir áramót. Af því má ljóst vera að innanríkisráðherra, borgarstjóri og formaður borgarráðs ætla með því að hunsa vilja 82% landsmanna, 73% Reykvíkinga og liðlega 70.000 einstaklinga sem skrifuðu undir sérstaka áskorun til borgaryfirvalda og Alþingis um óskerta flugstarfsemi til framtíðar í Vatnsmýri.
Neyðarbraut Reykjavíkurflugvallar er notuð þegar veður eru válind og vindar sterkir úr SV og NA áttum. Brautin er auk þess eina braut sinnar tegundar á SV horni landsins. Verði brautinni lokað er ljóst að upp geta komið tilvik þar sem sjúkra- og farþegavélar verða frá að hverfa með tilheyrandi afleiðingum fyrir sjúklinga og farþega. Umrætt samkomulag gengur því þvert á gefin fyrirheit forsætisráðherra sem sagði orðrétt í fréttum Stöðvar 2 þann 20. águst 2013:
�??�?g myndi að sjálfsögðu helst vilja sjá flugvöllinn í þeirri mynd, sem hann er, þ.e.a.s. þriggja flugbrauta völl. �?að er mjög óheppilegt á allan hátt þessi leið að reyna að þrengja stöðugt meira og meira að flugvellinum, og flytja hann nánast í pörtum úr Vatnsmýrinni, en í rauninni að reyna að gera flugvellinum ókleyft að starfa þarna. �?að er stefna, sem að ríkið þarf að koma í veg fyrir að nái fram að ganga.�??
Hjartað í Vatnsmýri varar við þeirri alvarlegu stöðu sem nú er upp komin í málefnum Reykjavíkurvallar. Miklu skiptir að bíða niðurstöðu nefndar Rögnu Árnadóttur um framtíðarstaðsetningu flugvallar á Höfuðborgarsvæðinu en sú niðurstaða er væntanlegt fyrir árslok 2014. Hættulegt er að ráðast í lokun neyðarbrauta og byggingu íbúðarhúsa á vallarsvæðinu sama tíma og nefndin er að störfum.
Tilkynning frá Hjartanu í Vatnsmýri.
