Landeyjahöfn er enn lokuð vegna ófullnægjandi dýpis í höfninni og útlit er fyrir að lokunin standi áfram næstu daga.

Dýpkunarskipið Álfsnes var við störf frá klukkan eitt í nótt til sex í morgun, en þurfti að hætta vinnu þegar alda fór hækkandi. Veðurspáin gerir ráð fyrir áframhaldandi ölduhæð sem kemur í veg fyrir frekari dýpkunarvinnu að svo stöddu.

Álfsnesið heldur nú til Þorlákshafnar og er gert ráð fyrir að hægt verði að hefja dýpkun á ný síðdegis á fimmtudag eða á föstudag, fari aðstæður batnandi.

Ljóst er að tíminn fram að helgi er of skammur til að ljúka nauðsynlegri dýpkun. Því er nánast útilokað að Landeyjahöfn verði opnuð um helgina.