- Eyjafréttir
- ·
- Fréttir
- ·
Kl. 19:45 laugardagskvöldið 16. desember barst lögreglunni í Vestmannaeyjum tilkynning um bruna í Fiskimjölsverksmiðju Ísfélagsins við austurenda �?gisgötu. Allt tiltækt slökkvilið bæjarins var ræst út svo og Björgunarfélag Vestmannaeyja.
�?egar að var komið var mikill eldur í geymsluþró austan við verksmiðjuhúsið og logaði eldur upp úr þaki. Greiðlega gekk að ráða niðurlögum eldsins en nokkur hætta skapaðist þar sem töluverður eldsmatur var þrónni og hún tengd verksmiðjuhúsinu. �?ar var einnig töluvert magn af edikssýru sem lak niður þegar gat kom á geymsluílát sem hún var í. �?skað var eftir aðstoð eiturefnadeildar slökkviliðs höfuðborgarsvæðisins og komu til Eyja slökkviliðsmenn með efni og búnað til aðstoðar slökkviliði Vestmannaeyja. Á meðan á slökkvistarfi stóð var lokað fyrir umferð um miðbæinn til öryggis. Slökkvistarfi lauk á ellefta tímanum.
Mikil mildi var að ekki fór verr og má þar bæði þakka stilltu veðri og skjótum viðbrögðum Slökkviliðs Vestmannaeyja auk fjölmargra sem komu til aðstoðar á vettvangi. Lögreglan vill að því tilefni þakka öllum þeim er komu að þessu slökkvistarfi fyrir gott starf.
Rannsókn að brunanum stendur nú yfir og komu tveir menn frá tæknideild lögreglunnar í Reykjavík á mánudag til að sinna tæknirannsókn á staðnum. �?á er von á aðstoð frá rannsóknardeildinni á Selfossi til Eyja í kvöld til aðstoðar deildinni í Vestmannaeyjum við rannsókn á orsökum brunans.
Af þessum tilefni vill Lögreglan í Vestmannaeyjum beina þeim tilmælum til fólks sem gæti haft einhverjar upplýsingar um þetta mál að hafa samband í síma 481 1665. Allar upplýsingar, sama hvað smávægilegar sem þær eru, og hjálpað gætu til við að upplýsa upptök brunans eru vel þegnar. �?skað er eftir upplýsingum um mannaferðir nálægt brunastað en einnig grunsamlegt háttalag t.d. með eldfæri eða eldfim efni, brunalykt sem bent gæti til nálægðar við vettvang o.s.frv.
Lögreglan í Vestmannaeyjum.
