Vestmannaeyjabær hefur undirritað samning við fyrirtækið SUBSEA 7 Ltd. um flutning og lagningu almannavarnavatnslagnar NSL-4 milli lands og Vestmannaeyja.

Samkvæmt samningnum mun fyrirtækið meðal annars annast flutning lagnarinnar, útlagningu hennar og eftirlit með framkvæmdunum. Greint er frá þessu á vef Vestmannaeyjabæjar.

Um er að ræða 12,7 kílómetra langa 8 tommu lögn, sem verður flutt frá Kalundborg í Danmörku til Vestmannaeyja. Áætlað er að lagningin fari fram næsta sumar, milli Bakkafjöru á meginlandinu og Skansfjöru í Vestmannaeyjum. Áætluð verklok framkvæmdarinnar eru 1. september 2026.