Sitt sýnist hverjum um ársreikninga

Fyrri umræða fór fram um ársreikning Vestmannaeyjabæjar fyrir árið 2022 á fundi bæjarstjórnar í liðinni viku. Íris Róbertsdóttir bæjarstjóri gerði grein fyrir ársreikningi Vestmannaeyjabæjar fyrir árið 2022 í framsögu. Jafnframt gerði hún grein fyrir helstu niðurstöðum reikningsins.

Fjárhagsstaða veikst mikið síðustu ár
Umræðan hófst á bókun frá bæjarfulltrúum D lista. Þar sem fram kemur að styrk fjárhagsstaða bæjarsjóðs Vestmannaeyja hefur veikst mikið síðustu árin. Undanfarin ár hefur verið gengið á sjóði sveitarfélagsins um tæp 50% og horfir fram á að þeir klárist að fullu með næstu stóru framkvæmdum og lántökur því yfirvofandi. Þó tekjur hafi verið góðar og verulega umfram áætlanir þá duga þær ekki þar sem A-hluta er skilað með 128 milljón króna tapi. Rekstur bæjarsjóðs stefnir í að verða ekki fjárhagslega sjálfbær sem er mikið áhyggjuefni. Nauðsynlegt er að meirihlutinn gæti meira aðhalds í rekstri en raun hefur verið hingað til.

Vel ásættanleg niðurstaða
Því var svo svarað með eftirfarandi bókun frá bæjarfulltrúum E og H lista. “Rekstrarniðurstaða Vestmannaeyjabæjar er vel ásættanleg. Niðurstaða samstæðu bæjarins (A- og B- hluta) er jákvæð um rúmar 26 m.kr. Tveir þættir skýra 127 m.kr. neikvæða afkomu A-hlutans, annars vegar gjaldfærsla vegna lífeyrisskuldbindinga og neikvæð ávöxtun verðbréfasafns bæjarins hins vegar.

Þó er ánægjulegt að fyrir afskriftir og fjármagnsliði var rekstrarafkoma A-hluta bæjarsjóðs jákvæð um 225 m.kr. sem sýnir að rekstur bæjarins sé sjálfbær í erfiðu rekstrarumhverfi sveitarfélaga.

Ánægjulegt er að fjárfestingar bæjarins hafa aukist á árinu og að þær hafi allar verið fjármagnaðar af eigið fé þannig að ekki hefur komið til lántöku.
Undanfarin ár hefur markvisst verið unnið að því að greiða niður skuldir bæjarsjóðs sem gerir að verkum að skuldastaða bæjarins er töluvert betri en flestra annarra sveitarfélaga.

Það sem hefur áhrif á samstæðureikning bæjarins eru stórir óvissuþættir svo sem breytingar á lífeyrisskuldbindingu, vaxtaumhverfi og kostnaðarsöm slipptaka Herjólfs, sem ekki var fyrirséð.

Ársreikningurinn endurspeglar vel fjárhagslegan styrk sveitarfélagsins sem er vel í stakk búið að standa undir framtíðaruppbyggingu.

Fjármálastjórnun bæjarins er fagleg, vel ígrunduð og framtíðarhorfur samfélagsins bjartar.”

Ósjálfbær rekstur
Í næstu bókun frá bæjarfulltrúum D lista kemur fram að undirrituð eru ekki sammála því að rekstur bæjarins sé sjálfbær eins og fram kemur í bókun meirihluta þar sem niðurstaða A-hluta sýnir að tekjur duga ekki fyrir gjöldum og fjárfestingum. Mjög kostnaðarsamar framkvæmdir eru framundan og vandséð hvernig núverandi sjóðir eiga að standa undir þeim.

Villandi bókun
Umræðum lauk svo með bókun frá bæjarfulltrúa E og H lista. “Bókun sjálfstæðisflokksins um ráðstöfun fjármagns úr verðbréfasjóðum bæjarins er villandi. Þegar verið er að innleysa fjármagn úr sjóðum bæjarins, er það gert til að kosta framkvæmdir eins og t.d. slökkvistöð. Vissulega er búið að innleysa fjármagn úr sjóðum en þeir hafa aldrei farið í rekstur heldur verið færðir í fjárfestingar líkt og glögglega kemur fram í ársreikningnum.”

 

Páll Magnússon, forseti bæjarstjórnar, bar upp niðurstöðutölur úr ársreikningi Vestmannaeyjabæjar og stofnana hans fyrir árið 2022:

a) Ársreikningur sjóða í A-hluta 2022:

Afkoma fyrir fjármagnsliði ((jákvæ) kr. 12.390.000
Rekstrarafkoma ársins (neikvæð) kr. 127.927.000
Niðurstaða efnahagsreiknings kr. 13.512.930.000
Eigið fé kr. 7.492.538.000

Samstæða Vestmannaeyjabæjar

Afkoma fyrir fjármagnsliði (jákvæð) kr. 204.100.000
Rekstrarafkoma ársins (jákvæð) kr. 26.250.000
Niðurstaða efnahagsreiknings kr. 16.211.085.000
Eigið fé kr. 10.121.318.000

b) Ársreikningur Hafnarsjóðs Vestmannaeyja 2022:

Afkoma fyrir fjármagnsliði kr. 155.842.000
Rekstrarafkoma ársins kr. 170.268.000
Niðurstaða efnahagsreiknings kr. 2.408.732.000
Eigið fé kr. 2.193.695.000

c) Ársreikningur Félagslegra íbúða 2022:

Afkoma fyrir fjármagnsliði kr. 20.080.000
Rekstrarafkoma ársins kr. 0
Niðurstaða efnahagsreiknings kr. 910.938.000
Eigið fé (neikvætt) kr. -50.568.000

d) Ársreikningur Fráveitu Vestmannaeyja 2022:

Afkoma fyrir fjármagnsliði kr. 71.971.000
Rekstrarafkoma ársins kr. 41.787.000
Niðurstaða efnahagsreiknings kr. 711.025.000
Eigið fé kr. 411.042.000

e) Ársreikningur Vatnsveitu 2022:

Afkoma fyrir fjármagnsliði kr. 0
Rekstrarafkoma ársins kr. 0
Niðurstaða efnahagsreiknings kr. 336.000.000
Eigið fé kr. 0

f) Ársreikningur Vestmannaeyjaferjunar Herjólfs ohf 2022:

Afkoma fyrir fjármagnsliði (neikvæð) kr. -57.008.000
Rekstrarafkoma ársins (neikvæð) kr. -55.731.000
Niðurstaða efnahagsreiknings kr. 332.774.000
Eigið fé kr. 200.820.000

g) Ársreikningur Náttúrustofu Suðurlands 2022:

Afkoma fyrir fjármagnsliði kr. 824.000
Rekstrarafkoma ársins kr. 824.000
Niðurstaða efnahagsreiknings kr. 27.825.000
Eigið fé kr. 26.763.000

h) Ársreikningur Eyglóar eignarhaldsfélags ehf. 2022:

Afkoma fyrir fjármagnsliði kr. 0
Rekstrarafkoma ársins (neikvæð) kr. -2.971.000
Niðurstaða efnahagsreiknings kr. 327.309.000
Eigið fé (neikvæð) kr. -2.471.000

Samþykkt var með níu samhljóða atkvæðum að vísa ársreikningi Vestmannaeyjabæjar og stofnana hans fyrir árið 2022 til síðari umræðu í bæjarstjórn og til endurskoðunar.

Nýjustu fréttir

Myndband
Vetrarbúningur í Vestmannaeyjum
Fréttir
Geri aðrir betur
Myndband
Í snjó og blíðu
Fréttir
Búningaskiptimarkaður á bókasafninu
Íþróttir
Morgan Goði skrifar undir nýjan samning við ÍBV
Áhugavert
Opnunarhátíð Sea Life um helgina
Fréttir
Tilboð samþykkt í gatnagerð í Sólhlíð
Herjólfur
Siglt í Landeyjahöfn – uppfært
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.