- Eyjafréttir
- ·
- Fréttir
- ·
Skorið á sjö slöngubáta
Seinni partinn í dag var Lögreglan kölluð að smábátabryggjunni í Eyjum vegna sökkvandi slöngubáta. Þá var Björgunarfélagið einnig kallað til aðstoðar.
Þar hefur verið á ferðinni aðili eða aðilar vopnaðir eggvopni og gengið um flotbryggjuna og skorið á slöngur báta sem og bönd eins báts.
Fór svo að kalla þurfti til aðstoð kranabíls til að halda einum bátanna á floti. Greinilegt er að um töluvert tjón er að ræða.
Eyjafréttir höfðu samband við lögreglu sem ekki vildi gefa neitt upp að svo stöddu, ekki er vitað hver var að verki en vonast er eftir að verknaðurinn hafi náðst á eftirlitsmyndavélar.
Óskar Pétur Friðriksson tók myndirnar með fréttinni.
