Íbúar í Vestmannaeyjum hafa sagt skýrt sitt álit í íbúakosningu um þróunarsvæðið M2, sem fór undir hraun í Heimaeyjargosinu árið 1973. Niðurstaðan sýnir að meirihluti þeirra sem tóku þátt vill að Vestmannaeyjabær skoði möguleika á uppbyggingu á svæðinu.

Í íbúakosningunni var spurt: „Ertu fylgjandi því að Vestmannaeyjabær skoði möguleika á uppbyggingu á þróunarsvæðinu M2, sem fór undir hraun í gosinu 1973?“

Samkvæmt yfirlýsingu frá yfirkjörstjórn Vestmannaeyja voru 3.538 á kjörskrá og greiddu alls 1.526 atkvæði. Kjörsókn nam því 43,13 prósentum.

Niðurstöðurnar féllu þannig:

Niðurstöður kosningarinnar

• Já: 1.053 atkvæði (69,00%)
• Nei: 459 atkvæði (30,08%)
• Auðir seðlar: 14 (0,92%)
• Ógildir seðlar: 0

Tæplega sjö af hverjum tíu sem tóku þátt í kosningunni vilja því að farið verði í frekari skoðun á mögulegri uppbyggingu á M2-svæðinu.

Yfirkjörstjórn staðfesti niðurstöðurnar í dag, 18. maí.