Viðtalið við Eirík Inga Jóhannsson, skipverjann sem bjargaðist þegar skuttogarinn Hallgrímur SI fórst á siglingu til Noregs, í Kastljósi í síðustu viku, hefur vakið mikla athygli. „Mér fannst átakanlegt að heyra viðtalið en það var greinilegt að þessi maður vissi hvað hann var að gera og hafði verið þjálfaður til að takast á við ýmsar aðstæður á sjó. Slysavarnaskólinn átti örugglega sinn þátt í því að hann lifði þetta af,“ sagði Valmundur Valmundsson, formaður Sjómannafélagins Jötuns, þegar Fréttir leituðu viðbragða hjá honum vegna viðtalsins.